SINGIDA
Jamii imetakiwa kuweka
wazi matukio yanayojitokeza kwa viongozi wao wa ulinzi na usalama, ili kufichua
wahalifu katika kukabiliana na uhalifu nchini.
Kauli hiyo imetolewa
leo na Kiongozi wa Ulinzi Kata ya Mandewa Bw. Athuman Soteri wakati akizungumza
na Standard Radio ofisini kwake.
Amesema ushirikiano
miongoni mwa wananchi na viongozi ni jambo la muhimu katika harakati za
kukabiliana na uhalifu na matukio mbalimbali nchini.
Amesema kamati ya
ulinzi ya kata ya Mandewa imejipanga kufanya doria kila mara kwa kushirikiana
na wananchi wa maeneo husika, na tayari wamefanikiwa kuwakamata watuhumiwa na
kuwapeleka kwenye vyombo vya dola.
Amesema polisi kata
hufika kila siku ya jumanne kutoa elimu kwa viongozi wa ulinzi na kutoa wito
kwa viongozi wa vijiji kuandikisha vijana, ili wapewe mafunzo yatakayowawezesha
kukabiliana na uhalifu.
Aidha amesema kamati
hiyo inakabiliwa na changamoto mbalimbali kama vile uchache wa askari, wananchi
kutokuwa wazi kuelezea matukio yanapotokea, uhaba wa vitendea kazi kama, Virungu,
Filimbi pamoja na Tochi ambavyo vinakwamisha utekelezaji wa zoezi hilo.
Ametoa wito kwa
serikali kuwasikiliza na kuwa tayari kutoa misaada pale watakapohitaji ili
kutekeleza jukumu lao katika jamii.
Source SR: Beatrice
Ed:BM
Date: February 25,2013
SINGIDA
Mahakama kuu kanda ya
Kati mkoani Singida, leo imeahirisha kesi ya mauaji ya Kassim Juma
anayekabiliwa na shtaka la kuua kwa kukusudia.
Kesi hiyo, imeahirishwa
na Jaji wa mahakama kuu Kanda ya kati, Laurence Kaduri baada ya mshtakiwa
kusomewa shtaka linalomkabili na kukana.
Imeelezwa mahakamani
hapo kuwa mwezi Juni mwaka 2011, mshtakiwa Kassim Juma alimuua Martin Shilla
maeneo ya Shelui wilaya ya Iramba mkoani Singida
Siku ya tukio mshtakiwa
akiwa na nyundo mkononi, alimpiga marehemu Martin Shilla kwa nyundo kichwani
hali iliyopelekea kuanguka pale pale.
Watu walioshuhudia
tukio hilo walimchukua na kumpeleka hospitali ya wilaya ya Iramba mjini Kiomboi
ambako alifariki wakati akipatiwa matibabu.
Mshtakiwa alikamatwa na
kufikishwa kituo cha polisi na katika kufanyiwa mahojiano na afisa wa polisi,
alikana shtaka hilo na kesi hiyo imeahirishwa hadi kikao kijacho itakaposomwa
tena.
Ed:BM
Date: February 25,2013
IRINGA
Mkuu wa mkoa wa Iringa
Dk Christine Ishengoma jana amezindua jengo la upasuaji wa macho katika
hospitali ya mkoa huo.
Jingo hilo lenye uwezo
wa kuhudumia wagonjwa elfu moja na mia nne na arobaini limekarabatitiwa kwa
zaidi ya million sabini zilizotolewa na shirika la kimataifa la kupambana na
upovu duniani.
Katika hotuba ya mkuu
wa mkoa huo, iliyosomwa kwa niaba yake na mkuu wa wilaya ya Iringa Dk, Retisia Warioba amewataka
watumishi wa hospitali hiyo kulitunza jingo hilo.
Kwa upande wake
mwakilishi kutoka wizara ya afya Dk Salaha Maongezi amesema Tanzania
inakabiliwa na changamoto ya vifaa tiba vya macho uchache wa wataalamu wa macho
na mwamko mdogo wa wananchi kuhusu ugonjwa wa macho.
Mbali na ukarabati huo,
pia shirika hilo limenunua vifaa vya matibabu ikiwemo miwani yenye thamani ya
shilingi milioni thelathini.
Source SR: Saada
Ed:BM
Date: February 25,2013
SINGIDA
Waumini wa dini ya
Kiislam mkoani Singida, wametakiwa kushirikiana ili kudumisha amani na upendo
nchini.
Sheikh Mkuu wa mkoa wa
Singida, Al Haji Issa Simba wakati akizungumza na standard radio ofisini kwake.
Amesema matukio yanayotokea yanatokana na kutokuwepo ushirikiano mzuri kutoka
madhehebu ya Kikristo na Kiislam.
Amewaomba waumini wa
dini ya Kiislam kufuata maadili mema ya dini hiyo na kuachana na mambo maovu na
badala yake kufuata mambo mema yatakayowaletea thawabu maishani.
Aidha, Bw. Simba
amewashukuru waumini wa dini ya Kiislam mkoani Singida kwa utulivu walionao
kutokana na kuzingatia maadili ya dini yao.
Source SR:
(kilimo na ujenzi)
Ed
Date: February 25,2013
ZANZIBAR
Makamu wa Kwanza wa Rais wa Zanzibar,
Maalim Seif Sharif Hamad ametahadharisha kuwa huenda kuna watu wenye nia mbaya,
ambao wameamua kuyatumia matukio ya kuuawa na kujeruhiwa viongozi wa kidini,
kujenga chuki baada ya kuona Wazanzibari hivi sasa ni wamoja.
Maalim Seif alisema hayo juzi usiku
alipokuwa akihutubia katika hafla ya Maulid ya Kuzaliwa kwa Mtume Muhammad
(S.A.W) mjini Kiuyu, Wilaya ya Wete Kaskazini Pemba.
Alisema inasikitisha kuona wapo viongozi
wenye nia chafu dhidi ya Zanzibar, wenye tabia ya kutoa kauli za kujenga chuki
na fitna miongoni mwa Wazanzibari chini ya kivuli cha matukio hayo.
Seif aliongeza kuwa, kinachoonekana kuna
ajenda imetayarishwa ya kutaka kulazimisha chuki za kidini Zanzibar, licha ya
kuwa kisiwa hicho kina historia ya dahari ya watu kuvumiliana na kuishi kwa
pamoja.
Aliwataka wananchi wote wa Zanzibar hivi
sasa wawe macho na ajenda zinazolengwa kuwavuruga, na waendelee kuishi kwa
mshikamano na umoja kama ambavyo wamekuwa wakiishi.
Seif aliongeza kuwa, vitendo vya kuuawa
na kujeruhiwa viongozi wa kidini Zanzibar ni mambo magen, na kwa miaka mingi
nchi hiyo imekuwa ni mfano bora wa uvumilivu wa kiitikadi za kidini, licha ya
kuwa asilimia 98 ya wananchi wake ni Waislamu.
Alieleza kwamba wingi wa Waislamu
Zanzibar haukuifanya ifunge milango kwa watu wa imani nyingine, na kwa wakati
wote wamekuwa wakiabudu kwa mujibu wa imani zao bila ya bugudha yoyote.
Source :
Ed: BM
Date: February 25,2013
MOROGORO
Shirika la kimataifa la
Reading International la nchini Uingereza linatarajia kujenga maktaba arobaini
katika shule za sekondari za kata nchini
Hilo limebainishwa na
mwakilishi wa shirika hilo, Bw. George Muthabi wakati wa ufunguzi wa maktaba
katika shule ya Nelson Mandela wilayani Morogoro.
Amesema mradi huo
umeanza kuwanufaisha wanafunzi katika mikoa ya Morogoro, Lindi, Pwani, Dar es
salaam na Mtwara
Kwa upande wake mkuu wa
shule ya Nelson Mandela Gaudensi Muowa amesema kuwepo kwa maktaba hiyo kutasaidia
wanafunzi kupenda kujisomea
Kwa upande wao baadhi
ya wanafunzi waliozungumza na waandishi wa habari, wamesema kuwa maktaba hiyo
itawasaidia kujisomea kwa umakini na kufanya vizuri katika masomo yao.
No comments:
Post a Comment