kiongozi wa msikiti wa masjid maftah, ulioko
misufini katika manispaa ya morogoro, alhaj abdul wazir, maarufu kama sheikh
koba, anashikiliwa kwa mahojiano kwa tuhuma za kumbaka mtoto mwenye umri wa
miaka nane, mwanafunzi wa darasa la pili katika shule ya msingi sabasaba.
taarifa zilizopatikana na kuthibitishwa na kamanda
wa polisi mkoa wa morogoro, faustine shilogile, zinasema mtuhumiwa huyo,
anadaiwa kutenda tukio hilo chumbani kwake, septemba tatu, majira ya saa mbili
usiku, huko mbuyuni katika manispaa ya morogoro.
mashuhuda wa tukio hilo wakizungumzia mazingira ya
tukio hilo, walidai kuwa alhaj koba, amekuwa akiishi nyumba tofauti na mkewe,
na kwamba siku ya tukio mke wake alimtuma mtoto wa nduguye kupeleka chakula kwa
mumewe, lakini alichelewa kurudi, hivyo kuamua kumfuatilia kujua kulikoni.
polisi wamethibitisha kupokea taarifa za tukio hilo,
na kwamba uchunguzi zaidi bado unaendelea ili kumfikisha mtuhumiwa mahakamani.
No comments:
Post a Comment